Növbəti mövsümə hazırlaşan I Divizion təmsilçisi "Şuşa" dünən Sumqayıtda yerli komandanın əvəzedici komandası ilə yoxlama görüşü keçirdi və 2:0 hesabı ilə qalib gəldi.

Rekord.az xəbər verir ki, bu oyunda bir sıra qeyri-adiliklər oldu ki, diqqət çəkdi.

İlk növbədə diqqət çəkən əvəzedici komandanı oyuna əsas komandanın məşqçiləri Mübariz Orucovla, İlham Yadullayevin çıxarması oldu. Halbuki "Sumqayıt"ın əvəzedici komandasının baş məşqçisi Mehman Yunusovdur. 

Bundan başqa, "Sumqayıt"ın heyətində yer alan 4 futbolçu eyni nömrə altında oynayırdı ki, bu da anormallıq sayılır. Əgər forma çatışmasa idi bunu başa düşərdik, amma eyni nömrəli forma altında 4 futbolçunun meydançaya çıxması başadüşülən deyildi.