Türkiyənin Antalya bölgəsində hazırlıq keçən "Sumqayıt” klubunun Polşa "Poqon"u ilə yoxlama görüşü baş tutmayacaq.
Xeberle.com-un "Report"a istinadən verdiyi məlumata görə, buna səbəb "Poqon"un öncədən planlaşdırılmış matçdan imtinasıdır.
Əvəzində "gənclik şəhəri" təmsilçisi Rumıniya "Konkordiya"sı ilə razılığa gəlib. Yanvarın 25-də "The Sense De Luxe” otelinin stadionunda keçiriləcək qarşılaşma Bakı vaxtı ilə saat 17:00-da başlayacaq.
Qeyd edək ki, 1957-ci ildə yaranmış "Konkordiya” Kyajna bölgəsini təmsil edir. Rumıniya yüksək liqasında 7-ci mövsümünü keçirən Yon Moldovanın komandası turnir cədvəlinin 12-ci pilləsində qarşılaşıb. "Konkordiya"nın daha əvvəl yanvarın 25-də "Neftçi" ilə qarşılaşacağı bildirilirdi.
Xəbərdən istifadə edərkən istinad etmək vacibdir.
