Siqarət çəkən futbolçular Azərbaycan millisinin heyətindən uzaqlaşdırılıblar.
Xeberle.com AFFA-nın saytına istinadən xəbər verir ki, Türkiyənin Antalya şəhərində təlim-məşq toplanışında olan 19 yaşadək futbolçulardan ibarət Azərbaycan milli komandasının futbolçuları Elnur Hüseynov ("Neftçi", qapıçı) və Vüsal Şabanov ("Zaqatala", qapıçı) nizam-intizam qaydalarını pozduqlarına görə (siqaret çəkdikləri üçün) komandanın heyətindən kənarlaşdırılıblar.
Hər iki futbolçunun intizamsız davranışı barədə məxsus olduqları klublara AFFA tərəfindən məlumat göndərilib.
Xəbərdən istifadə edərkən istinad etmək vacibdir.
