Sumqayıt şəhər Gənclər və İdman Baş İdarəsinin təşkilatçılığı ilə 29 fevral - 01 mart 2020-ci il tarixlərində Sumqayıt Olimpiya İdman Kompleksində "05 mart Bədən Tərbiyəsi və İdman günü”nə həsr edilmiş ağır atletika üzrə 2005-ci il və daha kiçik təvəllüldü oğlan və qızlar arasında şəhər birinciliyi keçirilib.
Yarışda 60 nəfərdən artıq idmançı qalib adı uğrunda mübarizə aparıb. İki gün gərgin idman mübarizəsi şəraitində davam edən yarışda Məryəm Qurbanzadə (38 kq), Arzu Qədimova (41 kq), Zəhra Niftəliyeva (49 kq) qızlar arasında, İlham Abbasov (36 kq), Firudin Cəfərov (39 kq), Roman Əmrahlı (42 kq), Azər Mənsimov (45 kq), Turan Əliyev (49 kq), Fuad Qədimov (55 kq), Fərid Mərdanov (61 kq), Bayram Aslanov (67 kq), Cavidan Muxtarlı (73 kq), Rəbbani Niftəliyev (81 kq) və Murad Babazadə (+81 kq) oğlanlar arasında fəxri kürsünün ən yüksək pilləsinə qalxıblar.
Yarışın qalib və mükafatçıları şəhər Gənclər və İdman Baş İdarəsinin fəxri fərman, medal və hədiyyələrilə təltif olunublar.
Xəbərdən istifadə edərkən istinad etmək vacibdir.
