"Sumqayıt" klubunun futbolçusu Vurğun Hüseynov Azərbaycan Kubokunun 1/4 finalında "Səbail"ə qarşı cavab matçında da iştirak etməyəcək.
Klubdan Xeberle.com-a verilən məlumata görə, 33 yaşlı müdafiəçi zədə səbəbindən oynamayacaq.
Hüseynov Azərbaycan Premyer Liqasının XIV turunda Bakıda "Keşlə"ni 1:0 hesabı ilə məğlub etdikləri görüşdə əzələsini dartıb. Kapitan "Səbail"ə 0:1 hesabı ilə uduzduqları kubokun ilk 1/4 final oyununu buraxmalı olub.
Qeyd edək ki, fevralın 6-da "ASCO Arena”da keçiriləcək "Səbail" - "Sumqayıt" qarşılaşması saat 18:00-da başlayacaq.
Xəbərdən istifadə edərkən istinad etmək vacibdir.
