Azərbaycan Premyer Liqasında XX tura start verilib.
Xeberle.com-un məlumatına görə, milli komandaların oyunları ilə
əlaqədar fasilə ərəfəsindəki son turunda iki matç baş tutub.
Son çempion "Qarabağ” öz meydanında "Sabah”la görüşüb. Hər hissədə
bir qol vuran Ağdam təmsilçisi ən azı bir günlük liderliyə yüksəlib.
Mahir Emreli isə mövsümdə 13-cü qolla bombardirlər yarışında liderliyə
şərik olub.
Günə Sumqayıtda yekun vurulub. Avrokuboklara vəsiqə üçün mübarizə
aparan "Sumqayıt” evdə "Keşlə” ilə görüşüb. Məhsuldar keçən
qarşılaşmada heç-heçə qeydə alınıb.
Qeyd edək ki, tura sabah yekun vurulacaq. "Neftçi” "Səbail”i, "Qəbələ” "Zirə”ni qəbul edəcək.
Xəbərdən istifadə edərkən istinad etmək vacibdir.
