Azərbaycanlı FİFA referisi Elçin Məsiyev beynəlxalq oyuna təyinat alıb.
Xeberle.com xəbər verir ki, o, Avropa Konfrans Liqasının birinci təsnifat mərhələsinin cavab oyunları çərçivəsində "Petroklub” (Moldova) – "Sileks” (Şimali Makedoniya) qarşılaşmasının baş hakimi təyin olunub.
Məsiyevə bu oyunda yan xətt hakimləri Elşad Abdullayev və Pərvin Talıbov kömək edəcək. Qarşılaşmada 4-cü hakim funksiyasını Kamal Umudlu yerinə yetirəcək.
Qeyd edək ki, sözügedən qarşılaşma iyulun 15-də Moldovanın paytaxtı Kişinyovda keçiriləcək. Bu komandalar arasındakı ilk oyunda qalib müəyyənləşməyib – 1:1.
Xəbərdən istifadə edərkən istinad etmək vacibdir.
