Sumqayıt şəhər Gənclər və İdman Baş İdarəsi və Sumqayıt Regional "ASAN xidmət” Mərkəzinin birgə təşkilatçılığı ilə 13-14 iyul 2021-ci il tarixində Nəsimi adına Mədəniyyət və İstirahət parkındakı Sağlamlıq zonasında mövcud pandemiya qaydalarına uyğun olaraq Şəhid general-mayor Polad Həşimovun xatirəsinə həsr edilmiş voleybol turniri keçirilmişdir.
İlk öncə torpaqlarımızın ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilmişdir.
Turnirin keçirilməsində məqsəd 44 günlük Qarabağ Vətən müharibəsinin, şəhid general-mayor Polad Həşimovun şərəfli döyüş yolunun, Azərbaycan tarixinin, ordu quruculuğunun, gənclər arasında fiziki aktivliyin, voleybol idman növünün şəhərdə təbliği, dostluq əlaqələrinin yaradılması və sağlam həyata təşfiqi olmuşdur.
Yarışda Sumqayıt və Bakı Regional Asan Xidmət Mərkəzlərini, habelə Sumqayıt şəhərinin müxtəlif sahələrini təmsil edən 16-29 yaşlı gənc könüllülərdən ibarət 9 komanda iştirak etmişdir.
Yarışın sonunda I yerə Sumqayıt Regional "ASAN xidmət” mərkəzi, II yerə Sumqayıt Gəncləri üçün Karyera və İnkişaf mərkəzi, III yerə isə Yeni Azərbaycan Partiyasının şəhər təşkilatını təmsil edən komandalar layiq görülmüşdür.
Qaliblərə Baş İdarənin və Sumqayıt Regional "ASAN xidmət” mərkəzinin kubok, medal, fəxri fərman və hədiyyələri təqdim edilmişdir.
Qeyd edək ki, cari ilin 06-23 iyul tarixlərində keçiriləcək silsilə xarakterli tədbirlərin növbəti mərhələlərində futbol və basketbol idman növləri üzrə yarışların keçirilməsi nəzərdə tutulur.
Xəbərdən istifadə edərkən istinad etmək vacibdir.
