Sumqayıtda 12 nömrəli tam orta məktəbdə "Çempionumuz layihəsi” çərçivəsində Paralimpiya komitəsinin vitse prezidenti İlham Zəkiyevlə görüş keçirilib.
Azərbaycan Respublikası Gənclər və İdman Nazirliyi, Təhsil Nazirliyi və İdman Könülləri İctimai Birliyinin birgə təşkilatçılığı ilə keçirilən tədbirdə öncə Azərbaycan Respublikasının himni səsləndirilib və şəhidlərimizin xatirəsi bir dəqiqəlik sükutla yad edilib. İlk olaraq çıxış edən Sumqayıt şəhər Gənclər və İdman Baş İdarəsi rəisi Elgün Hümbətov bildirib ki, tədbirin əsas məqsədi zərərli maddələrdən istifadəyə qarşı mübarizəyə çağırış, gənclər arasında sağlam həyatın təbliği və sağlam inteqrasiyasıdır. İlham Zəkiyev çıxışında şagirdlərə öz tövsiyyəsin verib və məktəblilərə gələcək həyatda uğurlar arzulayıb. O, qeyd edib ki, idmanın inkişafı gənc nəsilinin düzgün yetişməsindən başlayır.
Sonda İlham Zəkiyev haqqında filmə baxılıb.
Xəbərdən istifadə edərkən istinad etmək vacibdir.
