Sumqayıtın ilk arenası bərbad vəziyyətə düşüb.
Xeberle.com-un məlumatına görə, Sumqayıtda 65 illik tarixi olan "İnşaatçı" stadionu uzun müddət ölkə futboluna sədaqətlə qulluq edib. Bir çox komandalara qucaq açan stadionun hazırkı durumu ürək ağrıdır. Bir vaxtlar 10 minə yaxın azarkeşin toplaşdığı tribunalar tamamilə dağılıb. Taxtalar və qoruyucu dəmir dirəklər çıxarılıb. Tribunalardan əlavə, stadionun ot örtüyü və digər avadanlıqları da yararsız vəziyyətə düşüb.
Sumqayıt şəhər Gənclər və İdman Baş İdarəsindən Xeberle.com-a bildirildi ki, stadionla bağlı layihə hazırlanaraq müvafiq qurumlara təqdim olunub.
İndi qalır stadionun təmir ediləcəyi günü gözləmək...
Turqut Rzalı
Xəbərdən istifadə edərkən istinad etmək vacibdir.
