Xeberle.com-a verilən məlumata görə, Sumqayıt şəhər Gənclər və İdman Baş İdarəsinin təşkilatçılığı ilə 17 dekabr 2021-ci il tarixində 11 nömrəli tam orta məktəbin akt zalında Şahmat üzrə beynəlxalq dərəcəli qrossmeyster, 18 yaşadək qızlar arasında Dünya birinciliyinin qalibi, 20 yaşadək qızlar arasında Avropa birinciliyinin qızıl mükafatçısı, Dünya birinciliyinin bürünc mükafatçısı, Ümumdünya Şahmat Olimpiadasının gümüş mükafatçısı Zeynəb Məmmədyarova ilə görüş keçirilmişdir. Görüş zamanı ilk öncə qonaqlar məktəbin foyesində şagirdlərinin əl işləri və Qarabağ Müharibəsi şəhidlərini xatirəsini əks etdirən rəsm sərgisinə baxış keçirmişdilər. Azərbaycan Respublikasının dövlət himni səslənmiş, ölkəmizin bütövlüyü uğrunda canından keçmiş şəhidlərimizin xatirəsi bir dəqiqəlik sükutla yad edilmişdir. 

11 saylı tam orta məktəbin direktoru İlahə Həsənli qonaqları və tədbiriştirakçılarını salamladıqdan sonra çıxış edən Gənclər və İdman Baş İdarəsinin rəisi Elgün Hümbətov, tədbirin əsas mahiyyətinin gənclər arasında sağlam həyat tərzinin təbliği, yeni nəslin sağlamlığının qorunması, onların narkotik maddələr və psixatrop vasitələrdən uzaq olması, sağlam gəncliyin formalaşması, yeniyetmə və gənclərin düzgün həyat tərzinin aşılanması olduğunu bildirdilər. 

Zeynəb Məmmədyarova şagirdlərə öz tövsiyyə və arzularını bildirdikdən sonra suallarını cavablandırmş sonra xatirə şəkilləri çəkdirilmişdir.