Sumqayıt şəhər Gənclər və İdman Baş İdarəsinin rəisi Elgün Hümbətov Yunan-roma güləşi üzrə məşqçi-müəllim, beynəlxalq dərəcəli hakim Sədi Quliyevi Dünya Güləş Birliyinin İcarəyə Komitəsinin qərarı əsasında I-S Olimpiya dərəcəli hakim adı alması münasibəti ilə qəbul etmişdir. Görüş zamanı S. Quliyev bildirmişidir ki, əldə olunmuş kateqoriyaya əsasən Olimpiya Oyunlarında hakimlik etmək üçün o, seçim mərhələlərində iştirak hüququ əldə etmişdir. Bu da Sumqayıt şəhəri üçün yeni və uğurlu bir nəticədir. E.Hümbətov bu münasibətlə Sədi Quliyevi təbrik etmiş gələcək karyerasında ona uğurlar arzu etmişdir. Görüşdə eyni zamanda güləş federasiyasının hakimlər kollegiyasının sədri beynəlxalq dərəcəli hakim Qərib Əliyev, Gənclər və İdman Baş İdarəsinin rəsi müavini Rüfət Mahmudzadə və baş idarənin əməkdaşları iştirak ediblər.Sonda xatirə şəkilləri çəkdirilib.
Xəbərdən istifadə edərkən istinad etmək vacibdir.
