14-22 iyun 2022-ci il tarixlərində Bakı şəhərində Milli Olimpiya Komitəsinin 30 illik yubileyinə həsr olunmuş boks üzrə 2008-2009-cu il təvəllüdlü məktəbli oğlan və qızlar arasında Azərbaycan birinciliyi keçirilmişdir. Birincilikdə şəhər və rayonların 70 komandasından 376 idmançısı qalib adı uğrunda mübarizə aparmışdır. Səkkiz gün davam edən gərgin və maraqlı idman mübarizəsi şəraitində keçən yarışda Sumqayıt idmançıları Sübhan Babayev (44 kq), Kənan Aslanlı ( 60 kq) və Ömər Quluzadə (75 kq) bütün rəqiblərinə qalib gələrək fəxri kürsünün ən yüksək pilləsinə qalxmışlar.
Aysun Mikayılova (52 kq), Mələk Abbasova (54 kq), Təşkilat Quliyev (48 kq), Vüsal Xəlilov (52 kq) və Elgün Sadıqov (54 kq) birinciliyin gümüş, İsmayıl Rzayev (40 kq) isə bürünc medalına layiq görülmüşlər.
Qeyd edək ki, Sumqayıtın yeniyetmələrdən ibarət yığma komandası ümumi hesabda I yerə layiq görülmüşlər.
Xəbərdən istifadə edərkən istinad etmək vacibdir.
