Sumqayıt idmançılarının uğurları davam edir.
Xeberle.com-un məlumatına görə, Albaniyanın Tiranada şəhərində keçirilən taekvondo üzrə Açıq Albaniya çempionatında iştirak edən milli yığma komandanın üzvü, Sumqayıt idmançısı Sona Ağayeva 46 kq çəki dərəcəsində yarışın bürünc medalına layiq görülüb.
Qeyd edək ki, Sona Ağayevanın məşqçisi Azərbaycan Respublikasının Əməkdar məşqçisi Vurğun Cəfərovdur.
İtaliyanın Montesilvano şəhərində yeniyetmə boksçular arasında keçirilən Avropa birinciliyində milli yığma komandanın tərkibində çıxış edən Sumqayıt boks məktəbinin yetirmələri Məhəmmədəli Aşurəliyev (54 kq), Nərmin Əlizadə (48 kq) birinciliyin gümüş, Aynur Mikayılova (50 kq) isə bürünc medalına sahib olublar.
Qeyd edək ki, idmançıların şəxsi məşqçiləri müvafiq olaraq Azərbaycan Respublikasının Əməkdar məşqçiləri Elbrus Rzayev, Rüfət Aslanov və Anar Baxışovdur.
Xəbərdən istifadə edərkən istinad etmək vacibdir.
