Aprelin 30-da Belçika Krallığının xarici ticarət üzrə dövlət katibi Pieter De Kremnin rəhbərlik etdiyi nümayəndə heyətinin ölkəmizə səfəri çərçivəsində Azərbaycan-Belçika Biznes Forumu keçirilib.
Biznes forum çərçivəsində "Sumqayıt Kimya Sənaye Parkı” MMC-nin əməkdaşları Belçikanın "ZingaMetall” şirkətinin marketinq direktoru Eugene Dubois ilə görüşüblər.
Görüşdə Sumqayıt Kimya Sənaye Parkı ilə əməkdaşlıq imkanları müzakirə edilib, qonaqlara SKSP-də rezidentlər üçün müəyyənləşdirilmiş güzəştlər barədə ətraflı məlumat verilib.
Qeyd edək ki, "ZingaMetall” şirkəti köhnə, yeni və sinklənmiş polad konstruksiyaların paslanmadan qorunması üçün unikal sink metal örtüklərin istehsalının Sumqayıt Kimya Sənaye Parkının ərazisində qurulmasına maraq göstərir. (azertag.az)
Xəbərdən istifadə edərkən istinad etmək vacibdir.
