«Sumqayıt Texnologiya Parkında altı zavodun tikintisi başa çatmaq üzrədir. Sumqayıt Kimya Sənaye Parkında isə iki zavodun tikinti işlərinə başlanıb.»
Bu barədə Sumqayıt Şəhər İcra Hakimiyyətində 2015-ci ilin doqquz ayının sosial-iqtisadi inkişafının yekunlarına həsr olunmuş yığıncaqda çıxış edən İcra hakimiyyətini başçısı Zakir Fərəcov məlumat verib.  Z. Fərəcov qeyd edib ki, burada respublikamızda ilk propilen zavodu tikiləcək ki, onun da illik istehsal gücü 180 min ton olacaq:  "Zavod 2017-ci ildə işə düşəcək. 2018-ci ildə isə polietilen zavodunun inşası başa çatdırılmalıdır. Bu zavodların tikintisinə 700 milyon manat investisiya qoyulacaq. Həmçinin Azərsun-Sumqayıt Sənaye Parkında tara fabrikinin və azot gübrəsi istehsal edəcək karbamid zavodunun tikinti işləri aparılır.”
Azərtac