"Bu gün həm də Sumqayıt Kimya Sənaye Parkına səkkizinci rezidentin qəbulu üçün sənəd imzalanacaq. Həmçinin 9-cu rezidentin Parka qəbulu üçün işlərə də başlanılacaq. Sumqayıt Kimya Sənaye Parkının artıq 8 rezidenti var və bu rezidentlər tərəfindən sənaye parkına 1,1 mlrd. dollardan çox investisiyanın yatırılması və 2200 iş yerinin yaradılması gözlənilir."
Xeberle.com xəbər verir ki, bunu Azərbaycan iqtisadiyyat naziri Şahin Mustafayev "Azərbaycanda investisiyaların təşviqi: yeni yanaşmalar və prioritetlər” mövzusunda keçirilən konfransda çıxışı zamanı deyib.
Ş. Mustafayev həmçinin deyib ki, aparılan islahatlar nəticəsində lisenziyaların sayı 59-dan 37-yə endirilib və verilmə prosesi də sadələşdirilib. Həmçinin sahibkarlara verilən icazələrin sayı 330-dan 87-yə endirilib.
Xəbərdən istifadə edərkən istinad etmək vacibdir.
