"Sumqayıtda ən böyük problemlərdən biri iş yerləri ilə bağlıdır. Ötən il şəhərimizdə 10 000 iş yeri açılsa da, bu, şəhərin məşğulluq siyasətini tam ödəmir. İşsizlik probleminin aradan qaldırılması istiqamətində bu il də tədbirlər davam etdiriləcək. Sumqayıtda bir sıra zavod və fabrik tikiləcək ki, bu da problemin aradan qaldırılmasına kömək edəcək”.
Xeberle.com-un məlumatına görə, bu sözləri fevralın 2-də Gənclər günü ilə əlaqədar keçirilən tədbirdə çıxışı zamanı Sumqayıt şəhər İcra Hakimiyyətinin başçısı Zakir Fərəcov deyib. İcra başçısı çıxışında şəhərdə aparılan abadlıq-quruculuq işlərindən də danışıb. Z.Fərəcov şəhər gənclərinin əsasən iş problemi ilə üzləşdiyini diqqətə çatdırıb. O, çıxışında Sumqayıtın mənzil-kommunal təsərrüfatına da toxunub və bu sahədə olan işçi çatışmazlığından bəhs edib: "Şəhərin mənzil-kommunal təsərrüfatında işçi problemi var. Hazırda bu sahədə 1500 nəfər təsərrüfat işçsinə ehtiyac var və çalışmaq istəyənlər müraciət edə bilərlər'', - deyə Z.Fərəcov söyləyib.
Xəbərdən istifadə edərkən istinad etmək vacibdir.
