"Azərpoçt"  Dövlət  Müəsisəsi ötən il bank sisteminə keçməsi ilə əlaqədar fəaliyyətində bir sıra yeniliklər tətbiq edib. Yeni xidmətlər əhaliyə bir mərkəzdən operativ olaraq  bütün kommunal xərclərin ödənilməsinə, həmçinin sürətli pul köçürməyə imkan verir. Əgər əvvəllər sürətli pul köçürülmələri ancaq banklar tərəfindən və yüksək xidmət haqqı müqabilində həyata keçirilirdisə, artıq az məbləğdə xidmət haqqı ödəməklə istənilən yerə pul köçürmələri aparıla bilər.

Müəssisə hər il olduğu kimi bu il də yeniliklər nəzərdə tutub. Bu yeniliklər sırasında ən əsası isə əhaliyə mikrokreditlərin verilməsi ilə bağlı olacaq. Artıq vətəndaşlar təkcə banklardan deyil, "Azərpoçt"dan da kredit ala biləcəklər. Vətəndaşlara təklif olunması nəzərdə tutulan kreditin faiz dərəcələri də banklardan fəqrlənəcək.

Faiz dərəcəsinin ölkədə kredit xidməti göstərən bütün bankların faiz dərəcələrindən aşağı olması nəzərdə tutulur. Bu xidmət artıq bəzi xarici ölkələrdə tətbiq olunub və efektiv nəticə verib. 1818-ci ildən bu günə kimi müxtəlif adlarla Azərbaycanda vətəndaşlara xidmət edən "Azərpoçt" bundan sonra da layiqli xidmət göstərmək məqsədi ilə yenili layhələr üzərində işləyir.

/faktxeber.com/