Əmək pensiyalarının sığorta hissəsi artırılıb. Sərəncam əmək pensiyalarının sığorta hissəsinin inflyasiyaya uyğun olaraq indeksləşdirilməsini nəzərdə tutur. Başqa sözlə, pensiyaların sığorta hissəsi infilyasiya faizi qədər artır. Ötən il inflyasiya 2,4% olduğundan deməli əmək pensiyalarının sığorta hissəsi 2,4% artacaq. 

DSMF-nın sədri Elman Mehdiyev: “Pensiya baza və sığorta hissəsindən ibarətdir. Baza hissəsi 100 manatdır. Məsələn, vətəndaş 300 manat pensiya alırsa bunun 100-ü bazadır, deməli artım 200 manata aiddir. bu hissə 2,4% artacaq”. 

Bu artim yanvar ayinin 1-dən tətbiq olunacaq. Amma yanvar ayinin pensiyalari artiq ödənildiyindən, həmin artim məbləği Fevral pensiyalarının məbləğinə əlavə olunacaq. Amma artım dövlət qulluqçusu, xüsusi rütbəli və hərbiçi kimi pensiyaya çıxanlara aid edilməyəcək. Bu isə pensiyaçıların təxminən 5%-i deməkdir. Bununla yanaşı hazırda işləyən şəxslərin Sosial Müdafiə Fondunda toplanan sığorta haqları da infilyasiya nəzərə alınaraq 2,4% artırılacaq. Məqsəd vətəndaşların yığımını inflyasiyanın mənfi təsirindən qorumaqdır.