Sumqayıt Elektrik Şəbəkəsinin (EŞ) xidməti ərazisində cari ildə keçirilmiş reydlər zamanı elektrik enerjisindən qeyri-qanuni istifadə edən istehlakçılar aşkar edilib. 

“Azərenerji”dən AZADİNFORM-a verilən məlumata görə, bununla bağlı müvafiq qaydada aktlar tərtib edilib və qayda pozuntularına görə qanunvericiliyə uyğun digər tədbirlər görülüb. 

Sözügedən müəssisənin xidmət ərazisində 73.3  milyon kilovat-saata yaxın elektrik enerjisi istehlak edilib ki, bu da ötən ilin eyni dövründəki istehlakdan 1,4 milyon kilovat-saata yaxın azdır. O cümlədən, daimi əhali istehlakçı qrupu tərəfindən istehlak 14,5 milyon kilovat-saata yaxın olub. Nəticədə ötən ilin eyni dövrü ilə müqayisədə istehlak 2,4 milyon kilovat-saata yaxın artıb. 

Qeyd edək ki, cari ilin 7 ayı ərzində müəssisə üzrə istehlak ötən ilin eyni dövründəki istehlakla müqayisədə 22,4 milyon kilovat-saatdan çox azalaraq 535,8 milyon kilovat-saata yaxın olub. O cümlədən, daimi əhali istehlakçı qrupu üzrə 139.6 milyon kilovat-saata yaxın elektrik enerjisi istehlak edilib ki, bu da ötən ilin müvafiq dövründəki göstəricidən 23 milyon kilovat-saata yaxın çoxdur. Ödəniş isə ötən ilin müvafiq dövrü ilə müqayisədə mütləq artıb.