"Azərbaycanda ümumi daxili məhsulun 6-7%-i kənd təsərrüfatının payına düşür. Halbuki, əhalinin 37-40%-i aqrar sektorda çalışır”.
Xeberle.com "Report”-a istinadən xəbər verir ki, bunu Dünya Bankının Azərbaycan üzrə regional meneceri Həsən Naqvi deyib.
Onun sözlərinə görə, bu göstəricilər ölkədə kənd təsərrüfatının yaxşı inkişaf etməməsindən, bu sahənin məhsuldarlığının aşağı olmasından xəbər verir.
"Azərbaycanda aqrar sahə ilə məşğul olanlar Türkiyədəki həmkarlarından orta hesabla 3 dəfə, Polşadakı həmkarlarından isə 6 dəfə az məhsul istehsal edirlər. Məsələn, Azərbaycan fermeri 1 hektar sahədən 20 ton, türkiyəli fermer isə 60 ton alma yığır. Polşada bu rəqəm daha yüksəkdir. Və yaxud Azərbaycanda 1 hektar sahədən 7ton, Türkiyədə 15 ton, Polşada isə 20 ton çox alma yığılır”.
Xəbərdən istifadə edərkən istinad etmək vacibdir.
