"Sumqayıt” Yüksək Gərginlikli Elektrik Şəbəkəsində (YGEŞ) balans mənsubiyyətinə aid olan yarımstansiyalarda cari ilin son üç ayı ərzində bir sıra işlər yerinə yetirilib. "Azərenerji” ASC-nin mətbuat xidmətindən AZADİNFORM-a verilən məlumata görə, sözügedən dövrdə "Sumqayıt” YGEŞ-in balans mənsubiyyətinə aid olan 110 kV-lik "Xəzri” yarımstansiyasında gücü 10 MVA olan 2-ci transformator quraşdırılıb. Eyni zamanda "Əliağa Vahid” yarımstansiyasında gücü 10 MVA olan 1 nömrəli transformator 25 MVA-lıqla, "Masazır” yarımstansiyasında isə 1 nömrəli 25 MVA-lıq transformator gücü 40 MVA olan transformatorla əvəz edilib. 330 kV-lik "Yaşma” yarımstansiyasında 1 və 3 saylı 200 MVA avtotransformatorlar və orada olan digər avadanlıqlar da təmir edilib, boşaldıcılar dəyişdirilib və 220 kV-lik "Yaşma” HX-də yeni boşaldıcı quraşdırılıb. 

Analoji təmir işləri 110 kV-lik "Sumqayıt-2”, "Kimyaçılar” və digər yarımstansiyalarda da həyata keçirilib.