Azərbaycan Mərkəzi Bankı (AMB) Bakıda özəl valyutadəyişmə məntəqələrinin fəaliyyət göstərməsinə dair mətbuatda yayılmış məlumatlara münasibət bildirib.
Xeberle.com-un məlumatına görə, qurumun bununla bağlı yaydığı açıqlamada deyilir:
"Hazırda yalnız banklar və onların filialları, eləcə də Nəqliyyat, Rabitə və Yüksək Texnologiyalar Nazirliyinə məxsus "Azərpoçt” MMC-nin filial və şöbələri valyuta mübadiləsi fəaliyyəti hüququna malikdirlər. AMB "Valyuta tənzimi haqqında” qanuna müvafiq olaraq digər hüquqi və fiziki şəxslərə valyuta mübadiləsi fəaliyyətinə lisenziya verməyib. Əgər yuxarıda qeyd olunan təşkilatlardan başqa hər hansısa hüquqi və fiziki şəxs belə fəaliyyətlə məşğul olarsa bu qanunsuzdur".
Xəbərdən istifadə edərkən istinad etmək vacibdir.
