AQTA Sumqayıt şəhərində identifikasiya olunan heyvanlarısayı açıqlanıb.
Sumqayıt şəhərində ailə-kəndli və fermer təsərrüfatlarında identifikasiya olunan heyvanların sayı açıqlanıb. Bu haqda bu gün, 20 yanvar tarixində Azərbaycan Respublikası Qida Təhlükəsizliyi Agentliyi (AQTA) məlumat yayıb.
Məlumata əsasən, 15 dekabr 2021-ci il tarixindən 19 yanvar tarixinədək 1599 heyvan identifikasiya olunub.
Heyvanların İdentifikasiyası və Qeydiyyatı Sistemi (HİQS) heyvanların məruz qaldığı xəstəlikləri, tətbiq edilən preparatları və digər məlumatların idarə olunmasını təmin edir. Həmçinin, heyvanların alqı-satqısı, daşınması və kəsim dövründə heyvanlara nəzarət edilməsi, itmiş heyvanların axtarılması və ya tapılmış heyvanların sahibinin aşkar edilməsi və digər bu kimi proseslərin idarə olunması identifikasiya sisteminin əsas funksiyalarıdır.
Xəbərdən istifadə edərkən istinad etmək vacibdir.
