Qurumun İctimaiyyətlə əlaqələr şöbəsindən verilən məlumata görə, nazirlik yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin tərəfindən Sumqayıt şəhəri, Koroğlu küçəsində Dağbəy İsmayılova məxsus "Elmar" marketdə aparılan yoxlamalar zamanı malların nəzarət kassa aparatının yaddaşında olan qiymətlərinin yarlıqdakı qiymətlərdən artıq olmaqla istehlakçıların qiymətdə aldadıldığı aşkar olunub.
Eləcə də Zaqatala şəhəri, F. Əmirov küçəsində "Siqma LTD" MMC-yə məxsus "Gross" marketdə də aparılan yoxlamalar zamanı bu problemin olması müəyyənləşdirilib.
Qanun pozuntusuna yol vermiş şəxslər barədə müvafiq tədbirlər görülüb.  (apa.az)