Azərbaycanın neft-qaz şirkətinin "SOCAR Trading” bölməsi Türkiyədəki neft emalı zavodunda (NEZ) emal üçün Rusiya neftinin alınmasını müvəqqəti olaraq dayandırıb.
Xeberle.com xəbər verir ki, bu barədə "Reuters” mənbələrə istinadən məlumat yayıb.
Agentliyin məlumatına görə, SOCAR Trading Aİ-nin Rusiyadan neft tədarükü ilə bağlı sanksiyaları səbəbindən yanacağın alışını dayandırıb. Eyni zamanda, Reuters agentliyinin mənbəsi bildirib ki, SOCAR çox güman ki, Qərbin sanksiyalarına qoşulmaq üçün vəziyyətə yenidən baxır.
Bundan əvvəl "Qazprom Export” Azərbaycanın dövlət şirkəti (SOCAR) ilə 2023-cü ilin mart ayına qədər 1 milyard kubmetr həcmində qaz tədarükünə dair müqavilə imzalayıb.
Turqut Rzalı
Xəbərdən istifadə edərkən istinad etmək vacibdir.
