Azərbaycanın I vitse-prezidenti, Heydər Əliyev Fondunun rəhbəri Mehriban Əliyeva Tovuzlu ailəni sevindirib.
xeberle.com Yenivaz.com saytına istinadən xəbər verir ki,bu barədə Yeniavaz.com saytına Tovuz rayonunun Qaraxanlı kənd sakini Ceyhun Şirinov məlumat verib:
"Qızım Şirinova Şəhlanın anadangəlmə hər iki ayağında barmaqlar 6 dənə idi. Həkimlər bildirirdilər ki, əgər əməliyyat olunmasa, gələcəkdə fəsadları ola bilər. Üstəlik, qızım buna görə kompleks yaşayırdı, xüsusilə yay aylarında açıq ayaqla gəzməyə utanırdı. Maddi vəziyyətimiz qənaətbəxş olmadığı üçün onu əməliyyat etdirə bilmirdik".
Ceyhun Şirinov 2017-ci ilin noyabr ayında məktubla Azərbaycanın I vitse-prezidenti, Heydər Əliyev Fondunun rəhbəri Mehriban xanım Əliyevaya müraciət edib: "10 gün sonra bizə cavab gəldi. Cavab məktubunun bir nüsxəsi bizə, bir nüsxəsi isə Plastik və Rekonstruktiv Cərrahiyyə Klinikasının baş həkimi Şahin Əliyevə göndərildi. Qızımı Klinikaya apardıq, orada professorların da iştirakı ilə konsultasiya olundu. Bütün "çek-up" müayinələr, konsultasiyalar hamısı xəstəxana tərəfindən edildi, buna görə 1 manat belə xərcimiz çıxmadı. Öz xahişimizlə əməliyyatın bir az yubadılmasını istədik, çünki qızım məktəbə gedirdi. Onlara dedik ki, məktəblə əlaqədar əməliyyatın yayda edilməsini istəyirik. Nəhayət dünən, iyun ayının 28-də qızım əməliyyat olundu və çox uğurlu keçdi. İnşallah, sabah xəstəxanadan çıxacaq".
Ceyhun Şirinov bildirib ki, 9 yaşlı qızı əməliyyatdan sonra özünü çox yaxşı hiss edir: "Əməliyyat Klinikanın cərrahı Almas doktor tərəfindən icra olundu,
təxminən 2 saat davam etdi. Uşaq özünü çox yaxşı hiss edir. Fürsətdən istifadə edib Azərbaycanın I vitse-prezidenti, Heydər Əliyev Fondunun rəhbəri Mehriban Əliyevaya ailəmiz adından minnətdarlığımızı bildiririk.
Klinikanın həkim kollektivindən də çox razıyıq, bizi çox xoş qarşıladılar. Onu da əlavə edim ki, Heydər Əliyev Fonduna müraciət edən və klinikada müalicə və əməliyyat olunan başqa xəstələr də var idi. Sağ olsun Mehriban xanım, bir məktubla böyük bir problemimiz həll olundu".
Xəbərdən istifadə edərkən istinad etmək vacibdir.
