Ermənistan Milli Elmlər Akademiyasının Arxeologiya və Etnoqrafiya  İnstitutunun  ekspedisiyası Azərbaycanın işğal altındakı ərazilərində qanunsuz arxeoloji qazıntıların növbəti mərhələsinə başlayıblar. 

Xeberle.com Moderator.az-a istinadla xəbər verir ki, həmin ekspedisiyanın rəhbəri Hamlet Petrosyan bu haqda Xankəndindəki separatçı nəşrlərə müsahibə verib. Söhbət Ağdam rayonunun 25-ci ildir ki, işğal altında qalan, XVIII əsrdə Qarabağ xanı Pənahəli xanın tikdirdiyi  Şahbulaq qalası ərazisindən gedir. H.Petrosyanın sözlərinə görə, bu yay 30 əməkdaşın daxil olduğu ekspedisiya 20 gün ərzində guya qədim "Tiqranakert” şəhərinə aid olmuş bu yerdə qazıntı aparacaq. Bunun üçün Xankəndindəki qondarma separatçı rejim10 milyon dram (təxm. 20 min 405 dollar) ayırıb. Təbii ki, qazıntılar ermənilərin Azərbaycan torpaqlarının özlərinə sərf edən şəkildə saxtalaşdırılmış tarixinə "yeni töhfə”lər verməyə hesablanıb...

Xatırladaq ki, ötən illərdəki qazıntılar zamanı ermənilər Şahbulaq ərazisindən insan qalıqlarıyla yanaşı, qədim silah, qızıl və gümüşdən hazırlanmış zinət əşyaları da tapıb. Saxtakarlıqlarının beynəlxalq təbliği məqsədi ilə ermənilər qalada "tarix muzeyi” də yaradıblar.