Sumqayıt MİS-lərinin rəisi: "Bir şərtlə ki,
qar tapdalanmasın, yolları təmizləmək olmur”
Sinoptiklər
bu il qışın sərt keçəçəyilə bağlı xəbərdarlıq edir. Hətta məlumatlar içərisində dekabr ayında ölkənin
bəzi ərazilərində 25 dərəcədən artıq şaxta olacağı barədə proqnozlar da var. Sərt
hava şəraitinə alışıq olmayan Sumqayıt sakinləri qarlı-çovğunlu qış günlərində
müxtəlif problemlərlə üzləşir. Ötən qış şəhərə güclü qar yağanda Sumqayıtda kifayət
sayda qar təmizləyən texnika,qum, yaxud duz səpən
maşının olmadığının
şahidi olduq və şəhərin mərkəzi küçələri əsasən "Təmizlik
Departamenti”nin "canlı qüvvə”si - işçiləri tərəfindən təmizlədildi.
Bəs, görəsən, bu qış ötənilki problemlər yaşanmayacaq ki?
"Hazırda Sumqayıtda lazımi sayda qar təmizləyən texnika var. Buna baxmayaraq, əlavə
ehtiyat üçün daha 3 ədəd texnika da alınıb”. Bu barədə Xeberle.com-a eksklüziv
açıqlamasında Sumqayıt şəhər İcra Hakimiyyətinin Mənzil Kommunal Təsərrüfat
İstehsalat İstismar Birliyinin rəisi Abid Əliyev bildirib. Birlik rəisinin sözlərinə
görə, qar təmizləyən texnika ilə yolları yalnız nəqliyyatın hərəkəti
dayandıqdan sonra təmizləmək olar. A.Əliyev şərt də irəli sürdü: "Bir şərtlə
ki, qar tapdalanmasın. Qarın üzərində avtomobillər hərəkət etdikdən
sonra şaxtada buza çevrilir.
Belə olan halda heç bir texnika ilə yolları təmizləmək mümkün olmur. Amma buna
baxmayaraq,gücümüz yetdiyi qədər çalışacağıq ki, qarlı günlərdə nəqliyyatın hərəkətinin məhdudlaşmaması
üçün yolları təmizləyəcəyik.”
Aytən Əli
Xeberle.com
Xəbərdən istifadə edərkən istinad etmək vacibdir.
