Sumqayıt Regional Mədəniyyət İdarəsinə tabeli Abşeron rayon Xirdalan şəhər Onbirillik Musiqi Məktəbinin kollektivi Azərbaycan xalqının ümummilli lideri Heydər Əliyevin anadan olmasının 100 illik yubileyi ilə əlaqədar silsilə tədbirlər çərçivəsində Sumqayıtda ilk konsert proqramını təqdim ediblər. Məktəbin direktoru Əməkdar müəllim İkram Manafov konsertdən öncə çıxış edərək, bu proqramın 2023-cü il - "Heydər Əliyev ili" ərzində respublikamızın digər bölgələrində də təqdim olunacağını xüsusi vurğulayıb. Sumqayıt şəhər "28 May Mədəniyyət evi"ndə keçirilən tədbirdə Sumqayıt Regional Mədəniyyət İdarəsinin rəis müavini İlham Əhmədov, idarə və müəssisə əməkdaşları, musiqi kollecinin və digər uşaq musiqi məktəblərinin müəllim və şagirdləri iştirak ediblər. Böyük maraqla və alqışlarla qarşılanan tədbirin sonunda xatirə şəkilləri çəkilib.
Xəbərdən istifadə edərkən istinad etmək vacibdir.
