Sumqayıt Regional Mədəniyət İdarəsinə tabeli N.Nərimanov adına Mədəniyyət Mərkəzində şair Mikayıl Müşfiqin anadan olmasının 115 illiyi ilə əlaqədar "Mən şirin ləhcəli bir bülbüləm ki...” adlı ədəbi-bədii gecə keçirilib.
Xeberle.com xəbər verir ki, tədbirin aparıcıları Əminəxatun Tərlan və Adil Səfərov şairin şeirindən hazırlanan kompozisiya ilə səhnəyə daxil olublar. Gecədə Özbəkistan Respublikasından qonaq gələn şairlər, əməkdar müəllim, "Şöhrət” ordenli, şairə Ofelya Babayeva M.Müşfiqin yaradıcılığı haqqında çıxış ediblər. Şairin şeirlərini Sumqayıt Dövlət Dram Teatrının rejissoru Ümid Abbas və qiraətçi Firuzə Atluxanova, şeirlərinə bəstələnmiş mahnıları isə xanəndə Məlahət Hüseynova, gənc müğənnilər, Pənah Məmmədli, Aydan Salahova, Zəhra Fərəczadə, Yaqub Eyyuboğlu səsləndiriblər. Mədəniyyət Mərkəzinin foyesində S.Vurğun adına Mərkəzi Kitabxananın əməkdaşları tədbir iştirakçılarına şairin yaradıcılığını daha yaxından tanıtmaq məqsədilə kitablarından ibarət sərgi təşkil ediblər.
Xəbərdən istifadə edərkən istinad etmək vacibdir.
