Sumqayıt Dövlət Dram Teatrında polyak yazıçısı, dünya şöhrətli yazıçı, Nobel mükafatçısı Slavomir Mrojekin "Mühacirlər" əsəri əsasında hazırlanmış "-1" tamaşasına daxili baxış keçirilib.
Sumqayıt Dövlət Dram Teatrından Xeberle.com-a verilən məlumata görə, əsər insanları elindən, ailəsindən qərib düşürən müharibələr, sosial- siyasi problemlər, nəhayətdə insanın özünü özünə mühacir edən bəlalar haqqındadır.
Tamaşanın quruluşçi rejissoru Ümid Abbas, quruluşçu rəssamı Nizami Dadaşov, musiqi tərtibatçısı Telman Qəniyevdir.
Oyun iki aktyor ilə qurulub. Rolları gənc, istedadlı aktyorlar Elay Xasıyev və Kamran Muradlı oynayır.
Müzakirə zamanı teatrın direktoru Samir Şəfiyev tamaşada diqqət çəkən məqamları vurğulayıb, gənc aktyorlarda tamamilə yeni oyun tərzinin üzə çıxmasını alqışlayaraq təqdirə layiq hal adlandırıb.
Teatrın baş rejissoru, Xalq artisti Firudin Məhırrəmov, Əməkdar artistlər Fəranə Musayeva, Sədaqət Nuriyeva, Nadir Xasıyev, İzaməddin Bağırov, Elmira Kərimova, aktyorlar Dağlar Rüstəmov, Vəfa Qurbanova, teatrın baş rəssamı Elşən Sərxanoğlu və başqaları maraqlı fikir mübadiləsi aparıb.
Sonda tamaşanın quruluşçu rejissoru Ümid Abbas yaradılan şəraitə və obyektiv müzakirəyə görə rəhbərliyə, baş rejissora minnətdarlıq bildirib.
Xəbərdən istifadə edərkən istinad etmək vacibdir.
