Ali təhsil ocağının müəllim və tələbələrinin birgə səyi nəticəsində hazırlanan rəngərang proqram qonaqların, həmçinin tədbir iştirakçılarının könlünü oxşadı...
Sumqayıt Dövlət Universitetində keçirilən tədbir öncəsi iştirakçılar foyedə təşkil olunmuş, müxtəlif bölgələrimizə məxsus, milli ornamentləri özündə əks etdirən butalı, rəngbərəng kəlağayılardan ibarət sərgi ilə tanış oldular. Daha sonra tədbir Akt zalında davam etdi.
Universitetin "Sosial məsələlər və ictimaiyyətlə əlaqələr” üzrə prorektoru, dosent Elmar Xəlilov çıxış edərək ulu tariximizdən üzübəri öz nəfis gözəlliyini qoruyub saxlayan, milli-mənəvi sərvətimiz olan kəlağayı ilə bağlı fikirlərini söylədi.
Qeyd edək ki, son illər Azərbaycanın milli-mədəni dəyərlərinin qorunub saxlanılması və unkişaf etdirilməsi istiqamətində bir çox addımlar atılmışdı. Belə ki, Azərbaycan kəlağayısı 2014-cü il tarixində UNESCO-nun Qeyri-maddi məndəni irsin Reprezentativ Siyahısına daxil edilmişdir.
"Mirvari Dilbazi Poeziya Məclisi” İctimai Birliyinin sədri, "Sazlı-Sözlü Kəlağayı Günləri” layihəsinin rəhbəri, şair-publisist Güllü Eldar Tomarlı çıxışında bir çox bölgələrimizdə, ali təhsil və mədəniyyət ocaqlarında... həyata keçirilən layıhənin mahiyyətindən söz açmış, gənc nəsildə milli-mənəvi dəyərlərimizə məhəbbət hissinin aşılanmasında, adət-ənənlərimizin təbliğində belə tədbirlərin mahiyyətini xüsusi vurğuladı. Natiq, kələğayının tarixi, bugünkü gündə fəaliyyət göstərən istehsal sahələri haqqında tədbir iştirakçılarına geniş məlumat verdi. O, SDU-nun rəhbəri Rüfət Əzizov başda olmaqla, əməyi keçən hər kəsə öz dərin minnətdarlığını bildirməyi də unutmadı.
SDU-nun tələbələrinin hazırladıqları proqram; musiqili-ədəbi kompozisiyalar, kiçik həcmli tamaşa, kəlağayının keçmişini və bugünkü tarixini əks etdirən videoçarx və diğər nömrələr tədbir iştirakçıları tərəfindən rəğbətlə qarşılandı. Sondaçəkilən şəkillər tarixin yaddaşına həkk olundu.
Aygün Hacıyeva,
AJB, AYB və AAB-nin üzvü
Xəbərdən istifadə edərkən istinad etmək vacibdir.
