Rusiya prezidenti Vladimir Putinin əmri ilə, məşhur musiqiçi, Azərbaycanın Rusiya Federasiyasındakı səfiri Polad Bülbüloğluya orden verib. 
Rusiya prezidenti bu gün imzaladığı əmri ilə Polad Bülbüloğlunun "Şərəf” ordeni ilə təltif edilməsinə qərar verib. 
Azərbaycan bəstəkarı və müğənnisi, Azərbaycanın sabiq mədəniyyət naziri, Azərbaycanın Rusiyadakı fövqəladə və səlahiyyətli səfiri, Azərbaycan SSR xalq artisti, Dağıstan Respublikasının Əməkdar İncəsənət Xadimi Polad Bülbüloğlu 4 fevral 1945-ci ildə bakıda məşhur müğənni Bülbülün ailəsində anadan olub.
Məşhur müğənni Polad Bülbüloğlu həm də postsovet məkanında məşhur olan onlarla mahnın müəllifidir. O, "Uşaqlığın son gecəsi", "Babək", "Qorxma, mən səninləyəm", "Hökmdar taleyi", "Dolu" və s. filmlərin musiqisini də yazıb. 
Azərbaycanın Rusiyadıkı fövqəladə və səlahiyyətli səfiri olan Polad Bülbüloğlu Rusiya və Azərbaycan xalqları arasında sülhün, anlaşmanın qorunmasında, dostluq tellərinin möhkəmlənməsinə xidmət edib.
Polad Bülbüloğlunun Dədə Qorqud dastanının motivləri əsasında yaratdığı "Eşq və ölüm" baleti ilk dəfə 2005-ci ildə Azərbaycan Dövlət Akademik Opera və Balet Teatrında səhnəyə qoyulub. Elə 2005-ci ildə Akademik Opera və Balet Teatrının balet truppası həmin tamaşanı Mariinski adına Sankt-Peterburq Akademik Opera və Balet Teatrında, daha sonra Moskvada Böyük Teatrın səhnəsində nümayiş etdirib.  (anspress.com)