Bu gün Sumqayıt şəhər Mədəniyyət və Turizm İdarəsinin rəisi Mehman Şükürovun rəhbərliyi ilə müşavirə keçirilib. İdarədən Xeberle.com-a verilən məlumata görə, müşavirədə ümummili lider Heydər Əliyevin anım günü ilə bağlı keçiriləcək tədbirlər və sumqayıtlı rəssamların Sumqayıt Dövlət Rəsm Qalereyasında keçiriləcək sərgisi müzakirə olunub.

Müşavirədə Sumqayıt kitabxanalarının və Heydər Əliyev mərkəzinin fəaliyyətinə yüksək qiymət verilib və bu müəssisələrdən daha böyük gözləntilər olduğu bildirilib.

Həmçinin mədəniyyət müəssisələrinə Saray 7 saylı fiziki və əqli qüsurlu uşaqlar üçün internat evində tədbirlərin, Sumqayıtın Tarixi Muzeyi və Dövlət Rəsm Qalereyasında açıq qapı gününün keçirməsi tövsiyə olunub.