Sumqayıtda səyyar kitabxana xidməti davam  edir.
Tədbir Şəhər Mərkəzi Uşaq Kitabxanasının  təşkilatçılığı ilə reallaşıb.
Xeberle.com xəbər verir ki, səyyar kitabxana Sumqayıtda yerləşən Zəngilan rayonunın 15 saylı tam orta məktəbində təqdim edilib. Tədbirdə bildirilib ki, səyyar kitabxana xidmətinin həyata keçirilməsində əsas məqsəd kitabxana xidmətindən uzaq düşmüş qaçqın və məcburi köçkünlərin məskunlaşdığı ərazilərdə yeniyetmə və uşaqlara səyyar kitabxanaların təşkil edilməsi və gənc nəslin kitabxanalara cəlb olunmasıdır.
Kitabxana işçiləri tarixə, milli-mənəvi dəyərlərimizə, bədii ədəbiyyatımıza, mədəniyyətimizə və xalq ədəbiyyatımıza, uşaq hüquqlarına dair kitabları nümayiş etdirmiş və oxucuları kitabxanaya abunə edərək istədikləri ədəbiyyatlar ilə onları təmin ediblər.