Sumqayıt şəhər F.Əmirov adına UMM-də tar müəllimi Mübariz Əlimərdanlının 60 illik yubiley tədbiri keçirilib.
Tədbirdə məktəbin direktoru Vasif Heydərov çıxış edərək yubilyar haqqında xoş sözlər ifadə edib. O bildirib ki, Mübariz müəllim həm intellektual səviyyəsinə, həm yüksək insani keyfiyyətlərinə, həm də bir müəllim kimi bilik və bacaraığına görə hər zaman kollektivin hörmət və rəğbətini qazanıb, sevilib. Belə bir insanla bir kollektivdə çalışmaq həm mənim həm də müəllimlərimiz üçün böyük şərəfdir.
Daha sonra tədbirə qatılan Sumqayıt şəhər Mədəniyyət və Turizm idarəsinin rəisi Mehman Şükürov yubilyarı təbrik edib, ona həyatında və pedoqoji fəaliyyətində uğurlar arzulayıb və mədəniyyət sahəsində səmərəli fəaliyyətinə görə fəxri fərmanla təltif edib.
Sonda söz yubilyara verilib. O çıxış edərək, ona göstərilən bu etimada və verilən dəyərə görə Mehman Şükürova, məktəbin direktoru Vasif Heydərova və kollektivə təşəkkür edib.
Tədbirin sonunda yubilyara hədiyyələr təqdim olunub, məktəbin xalq çalğı alətləri ansamblının ifasında musiqi nömrələri səslənib.
Qeyd: Əlimərdanlı Mübariz İsrafil oğlu.
1956-cı ildə Gəncə şəhərində anadan olub. 1971-1975-ci illədə Sumqayıt şəhər Soltan Hacıbəyov adına musiqi texnikumunu tar ixtisası üzrə bitirib.
1978-1988-ci illərdə pedoqoji fealiyyətlə məşğul olub. Bir neçə illik fasiıədən sonra yenidən pedaqoji fəaliyyətini davam etdirərək 2004-cü ildən F.Əmirov adına uşaq musiqi məktəbində tar ixtisası üzrə dərds deyir.
Sumqayıt şəhər Mədəniyyət və Turizm idarəsinin mətbuat xidməti
Xəbərdən istifadə edərkən istinad etmək vacibdir.
