"N” saylı hərbi hissənin yaranmasının 24-cü ildönümü münasibətilə Sumqayıtın bir sıra mədəniyyət müəssisələrinin təşəbbüsü ilə əsgər və zabitlər qarşısında konsert keçirilib.
Sumqayıt şəhər Mədəniyyət və Turizm idarəsinin Mətbuat xidmətindən Xeberle.com-a verilən məlumata görə Şəhər Mədəniyyət evi, C.Cabbarlı adına mədəniyyət evi  və Corat qəsəbə mədəniyyət evinin özfəaliyyət kollektivləri bir-birindən maraqlı musiqi nömrələri ilə hərbçilərimizi təbrik ediblər. Gənc müğənnilər Zaur Yusifli, Kamil Ağazadə, İlkin Əlizadə, Pənah Məmmədov, Elvin Qasımov, Aqil Heydərli, Tünzalə Əliyeva, Sevda Akkaya, Sunay Sultan, Aysel Həsənzadənin ifasında vətənpərvərlik ruhu aşılayan mahnılar, gənc aşıq Səbinə Gədəbəylinin ifasında saz havaları, "Turan” rəqs kollektivinin çıxışı əsgər və zabitlərimiz tərəfindən maraqla qarşılanıb.
Tədbirin sonunda hərbi hissə rəhbərliyi kollektivlərə maraqlı konsert proqramına görə təşəkkür edib, fəaliyyətlərində uğurlar arzulayıblar.