"Yuxu”-nun sevilən mahnısı "Xəzərin sahilində” isə roksevərlərin sevimli hitinə çevrildi. Amma müəyyən səbələrdən qrup fəaliyyətinə tamam dedi. Sumqayıtda bu ənənəni davam etdirənlər isə sübut etdilər ki, onlar "Yuxu"nun layiqli davamçılarıdılar. "Səmt" rok kollektivi 2010-cu ildən fəaliyyət göstərir. Onlar 60-ya yaxın mahnılarını bu kiçik otaqda ərsəyə gətiriblər. Vadim deyir ki, bu sənəti qoruyub yaşatmaq elə də asan deyil. Amma roka olan sevgi çətinliklərin öhdəsindən gələ bilmək üçün onlara güc verir. Qrupun yeganə xanım üzvü Əsmər Nəcəfova "Səmt” ailəsinə yeni qatılsa da, çox həvəsli görünür. Deyir ki, cismən və ruhən bu sənətə bağlıdır. Sumqayıt ölkəmizdə rokun məskəni hesab olunur. Və bu da təsadüfü deyil. Çünki bir zamanlar populyar rok qrupu və ifaçılarının əksəriyyəti məhz bu şəhərin yetirməsi olub. Və bu ənənə hazırda da davam etdirilir.