"Səhhətim yaxşıdır. Özümü normal hiss edirəm. Çalışıram ki, özümü çox yormayım. İnsanın içindən təb gələndə, xəstəliyə baxmır. Məcburam hiss etdiklərimi yazım”.
Bunu AzVision.az-a Əməkdar incəsənət xadimi, tanınış bəstəkar Tahir Əkbər deyib. Bu yaxınlarda səhhəti pisləşən bəstəkar müalicələrini davam etdirdiyini deyib. 
"Şükürlər olsun ki, təhlükəli məqamı geridə qoydum. Bu yaxınlarda analiz verdim. Nəticələri müsbət oldu. İndi müalicə alıram. Həm dincəlirəm , həm də yaradıclığıma davam edirəm. Çünki ilham xəstəliyə, adamın durumuna baxmır, gəldisə, gərək yazasan. Eyni zamanda övladımın təhsil haqqını ödəyirəm. Buna görə də işimdən tamami ilə uzaqlaşa bilmirəm. 
Maddi durumuma gəlincə isə, bu, sifarişlərdən aslı olur. Sifarişlər çox olarsa, madiyyat da qaydasında olacaq. Bəzən sifarişlər az olur, buna görə də bəzən çətinlik yaranır. Yaşayışım yaradıcılığımdan asılıdır. Buna baxmayaraq, heç kimdən heç nə istəməmişəm. Prezident təqaüdü alsam, yaxşı olar. Ən azından maddi durumumda stabillik yaranar”.

Şahanə Rəhimli

Xəbərdən istifadə edərkən istinad etmək vacibdir.