Sumqayıt Rergional Mədəniyyət və Turzim idarəsinin
"Dostluq” mədəniyyət evi Sumqayıt Dövlət Rəsm Qalereyasında "Yaz sevincləri”
adlı rəsm sərgisi keçirib.
Sərgidə
mədəniyyət evinin rəsm dərnəyi üzvlərinin 50-dən çox rənggarlıq və tətbiqi
dekorativ sənət nümunələri nümayiş olunub.
Sumqayıtın
baş rəssamı,əməkdar incəsənət xadimi Vaqif Nəzirov, rəssam Tofiq Əhmədov, şair
Əşrəf Şəfiyev, "Dostluq” mədəniyyət evinin direktoru Aslan Fətullayev, və Sumqayıt
Dövlət Rəsm Qalereyasının direktoru Ellada Həsənova tədbirdə çıxış edərək gənc
rəssamları təbrik edib, onlara yaradıcılıq uğurları arzulayıblar.
Daha
sonra həvəskar rəssamlar fəxri fərmanlarla təltif olunublar.
Tədbirdə
Gənc müğənni Könül Hüseyinlini ifasında bəstəkar və xalq mahnıları, "Şahinlər”
rəqs kollektivinin ifasında Azərbaycan xalq rəqsləri, o cümlədən, bədii qiraət
dərnəyinin üzvlərinin ifasında səslənən şeirlər tədbir iştirakçıları tərəfindən
maraqla qarşılanıb.
Xəbərdən istifadə edərkən istinad etmək vacibdir.
