Opera və Balet Teatrının solisti, xanəndə Vüsalə Musayeva ustad dərsi keçəcək.

Bu barədə  o, Xeberle.com-a özü bildirib. V. Musayeva Filippinin  məşhur opera ifaçısı Lea Salongaya Azərbaycan mahnısını öyrədəcək: “2012-ci ildə “San Francisco World Music Festival”ın əsas siması kimi tətəf müqabilim İlkin Əhmədovla “Leyli və Məcnun” tamaşasında çıxış etdik. Bir müddət əvvəlsə həmin festivalın təşkilatçıları məni ustad dərsi keçməyi təklif etdilər. Qürurverici haldır ki, məşhur bir sənətçiyə Fikrət Əmirovun “Göy göl” mahnısını öyrədəcəm. Dərslər sentyabrdan başlayacaq və skayp vasitəsilə olacaq. Artıq mahnının notlarını və sözlərini göndərmişəm”.

Xanəndə onu da bildirdi ki, “San Francisco World Music Festival”ın çəkiliş qrupu gəən ay Bakıya gələcək və xanəndə ilə bağlı çəkilişlər aparacaq. L.Salonganın azərbaycanlı müəllimi haqqında xarici KİV-də məlumatlar yayımlanacaq. L.Salonga “Göy göl”ü noyabrda keçiriləcək festivalda ifa edəcək.

Xatırladaq ki, L.Salonga məşhur “Mulan” cizgi filmində mahnıları səsləndirən əsas ifaçıdır.