Sumqayıtda mədəniyyət
işçiləri bu dəfə meydanda mübarizə aparacaqlar.
Xeberle.com-un məlumatına görə, Yeni Azərbaycan
Partiyasının yaranmasının 25 illiyi münasibəti
ilə mədəniyyət işçiləri arasında futzal idman növü üzrə yarış keçiriləcək.
Turnir Sumqayıt Regional Mədəniyyət və Turizm İdarəsinin və Sumqayıt Gənclər və İdman Baş İdarəsinin dəstəyi
ilə baş tutacaq.
Şəhər Olimpiya kompleksində keçiriləcək yarışda Sumqayıt Regional Mədəniyyət və Turizm
idarəsinin tabeliyində olan Sumqayıt şəhəri, Qubadlı, Zəngilan, Abşeron, Şuşa və
Xızı rayonlarının komandaları qalib adı uğrunda mübarizə aparacaqlar.
Turnirə noyabrın 5-də Sumqayıt şəhər Olimpiya kompleksində start
veriləcək.
Rəsmi açılış mərasimi saat 10:00-da başlayacaq, 11:00-da isə
komandaların mübarizəsi başlayacaq.
Yarışda I-III yerləri tutmuş komandalar Sumqayıt şəhər Gənclər və İdman Baş İdarəsinin
Fəxri fərman, medal və kuboku ilə, turnirin qalibi adını qazanmış komanda isə Sumqayıt
Regional Mədəniyyət və Turizm İdarəsinin Fəxri fərmanı və qiymətli hədiyyəsi
ilə mükafatlandırılacaq.
Hər kəs dəvətlidir.
Xəbərdən istifadə edərkən istinad etmək vacibdir.
