Sumqayıt Dövlət Dram Teatrının yaradıcı heyəti 24 - 27 aprel tarixlərində IV Türk Dünyası Teatr Festivalında tanınmış türk dramaturqu Turqut Özakmanın "Ocaq” əsəri ilə çıxış edib. Teatrın baş rejissoru əməkdar artist Firudin Məhərrəmovun quruluş verdiyi tamaşada əməkdar artistlər Fəranə Musayeva, Rauf Ağakişiyev, Cəlal Məmmədov, aktyorlar Oktay Mehdiyev, Xatirə Süleymanova, İlahə Səfərova və Şəmistan Süleymanlı maraqlı oyun tərzi nümayiş etdiriblər.
Onu da qeyd edək ki, kollektivimiz Türkiyə səfərindən sonra "Sərhədsiz teatr” III Şəki Beynəlxalq Teatr Festivalı çərçivəsində Azərbaycan Dövlət Musiqili Teatrının səhnəsində eyni əsərlə çıxış edəcək.
Xəbərdən istifadə edərkən istinad etmək vacibdir.
