Hər il olduğu kimi, bu il də Rusiyanın Samara vilayətinin Tolyatti şəhərində ənənəvi "Dünya nağaraları” adlı beynəlxalq ritm festivalı keçiriləcək.Xeberle.com-un verdiyi məlumata görə, 15-ci beynəlxalq ritm festivalında ölkəmizi Sumqayıtdan "Rövşən” ritm qrupu təmsil edəcək. Qrup artıq ard-arda 4-cü ildir ki, festivala dəvət alır. İlk dəvəti qrup şəklində aldıqdan sonra, son 3 ildir ki, qrupun yaradıcısı və rəhbəri Rövşən Cabbar festivala tək dəvət olunaraq başqa ölkələrdən gələn ritm həvəskarlarına bir həftə boyunca ustad dərsləri keçir. O, həmçinin iki gün boyunca konsert və qala konsertdə özünəməxsus ifaları ilə çıxış edir. Qeyd edək ki, hər il açıq havada həyata keçirilən festival bu il şəhərin flarmoniyasında baş tutacaq.