Sumqayıt
Regional Mədəniyyət İdarəsinin təşəbbüsü, N.Nərimanov adına Mədəniyyət
Mərkəzinin təşkilatçılığı ilə Bayraq günü münasibətilə "Xatirələr sorağında”
adlı tədbir keçirilib.
N.Nərimanov
adına Mədəniyyət Mərkəzində baş tutan tədbirdə Sumqayıt Regional Mədəniyyət
idarəsinin rəisi Mehman Şükürov çıxış edib.
"Sumqayıt
yetirmələri olan sənətçilərin şəhərimizə gəlişi bizi sevindirməyə bilməz” deyən
idarə rəisi son illərdə Sumqayıtda aparılan tikinti, abadlıq və quruculuq
işlərindən, inşa edilən mədəniyyət obyektlərindən, şəhərdə mədəniyyət sahəsində
həyata keçən layihələrdən danışıb.
Daha sonra
bir sıra televiziya layihələrinin rəhbəri olmuş Malik Məmmədovun aparıcılığı
ilə davam edən konsertdə Sumqayıtın yetirmələri olan sənət adamlarının ifaları
dinlənilib.
Azərbaycanın
əməkdar, Dağıstanın xalq artisti Ədalət Şükürov, Əməkdar artist Nüşabə
Ələsgərli, müğənnilər Sevda Kazımova, Mənzurə Musayeva, Rəhilə Quliyeva,
bədiyyəçi Namiq Məna, aşıq Ulduz və Sədaqət Quliyevaların bir-birindən maraqlı
ifaları və Sumqayıtla bağlı xatirələri, "Xəzri” rəqs ansamblının və illüzyonist
mister İlhamın çıxışı, eləcə də "Gilavar” instrumental ansamblının ifasında
musiqi nömrələri tamaşaçılar tərəfindən alqışlarla qarşılanıb.
Xəbərdən istifadə edərkən istinad etmək vacibdir.
