Sumqayıt
Regional Mədəniyyət İdarəsinin dəstəyi ilə Sumqayıt şəhərinin 70 illik yubiley
tədbirləri çərçivəsində Sumqayıt şəhər kitabxanalarında silsilə tədbirlər
keçirilib.
Belə
ki, Nizami Gəncəvi adına Kitabxana Kluba 28 saylı məktəbin şagirdləri
ekskursiyada olublar. Onlar kitabxananın
oxu zalı, abonement şöbəsi, multimedia otağı, nağıl otağı və "Satış məntəqəsi”
ilə yaxından tanış olublar. Kitabxanaçılar şagirdlərə kitabxananın fondunda
olan kitablar və kitabxanada təşkil olmuş sərgilər haqqında geniş məlumat veriblər.
Bundan
əlavə, Kitabxana Klubda fəaliyyət göstərən "Rəsm” dərnəyinin şagirdləri,
kitabxananın fəal oxucuları Sumqayıtın Tarixi Muzeyinə ekskursiya ediblər.
Ekskursiya zamanı muzeyin əməkdaşları oxucuları muzeylə yaxından tanış edib,
eksponatlar, şəhərimizin tarixini əks etdirən materiallar, o cümlədən,
Sumqayıtla bağlı kitablar haqqında ətraflı məlumat veriblər.
M.Ə.Rəsulzadə
adına kitabxana filialda "Gənclərin maraq dünyası” adlı viktorina keçirilib. Tədbirdə
Sumqayıt Dövlət Universitetinin tələbələri, 15 və 25 saylı orta məktəbin
şagirdləri iştirak edib. Viktorinada verilən suallara tez və düzgün cavabina
görə 25 nömrəli orta məktəbin şagirdləri fəqrləniblər.
Mərkəzi
Uşaq Kitabxanasının təşkilatçılığı ilə Sumqayıt Şahmat Məktəbində "Sumqayıtın
idman uğurları” adlı tədbir keçirilib. Tədbirdə idmanın insanın həyatındakı
əhəmiyyətindən, dövlətin bədən tərbiyəsi və idman sahəsinə göstərdiyi diqqət və
qayğıdan, ölkəmizdə təşkil edilən beynəlxalq miqyaslı tədbirlərdən, əldə edilən
yüksək nailiyyətlərdən danışılıb, kitabların xülasəsini verilib. Sonra
oxucuların ifasında şahmata həsr olunmuş şeir və hekayələr dinlənilib. Daha sonra
Əməkdar idman ustası, beynəlxalq dərəcəli hakim İlham Əliyevin hazırladığı "Sumqayıt
şəhərinin 70 illiyinə həsr edilmiş açıq dərs” və "Dünya mənim gözümlə” adlı
fotoslayd nümayiş olunub, intellektual yarış keçirilib.
Xəbərdən istifadə edərkən istinad etmək vacibdir.
