50-ci teatr mövsümünü müvəffəqiyyətlə başa vuran Sumqayıt Dövlət Dram Teatrında 51-ci mövsümün ilk toplantısı keçirilib.
Xeberle.com xəbər verir ki, teatrın direktoru, Əməkdar artist Mübariz Həmidov ötən il hazırlanan müxtəlif janrlı tamaşalardan, həyata keçirilən yeni layihələrdən və bu prosesin davamlılığından danışıb.
Bildirib ki, Prezident İlham Əliyevin böyük dramaturq-yazıçı C.Cabbarlının yubileyi ilə əlaqədar imzaladığı müvafiq Sərəncama əsasən, sənət ocağında "Solğun çiçəklər” pyesi əsasında eyniadlı tamaşa hazırlanır.
Bildirib ki, Sumqayıt Dövlət Dram Teatrı 51-ci mövsüm bir neçə festivala qatılacaq. Bunun üçün yaradıcı heyətin əzmlə, şövqlə çalışmasının vacibliyini dilə gətirən Əməkdar artist Mübariz Həmidov qarşıda duran planlardan da söz açıb.
Sonra teatrın baş rejissoru, Xalq artisti Firudin Məhərrəmov fikirlərini kollektivlə bölüşüb. Xalq artisti son zamanlar hazırlanan PR kampaniyalar, müxtəlif maarifləndirici layihələr irəli sürdüyünə, həmçinin kollektivdaxili mükafatlandırma tədbiri keçirdiyinə görə direktora xüsusi minnətdarlıq bildirib.
İclasda cari mövsümdə həyata keçirilməsi nəzərdə tutulan bir sıra məsələlər müzakirə olunub.
Xəbərdən istifadə edərkən istinad etmək vacibdir.
