Hüseyn Ərəblinski adına Sumqayıt Dövlət Dram Teatrı yeni tamaşaların məşqlərinə başlayıb. Yeni ildə tamaşaçılara "Hacı Qara” komediyası da təqdim ediləcək.

Yanvarın 10-da yazıçı Hüseynbala Mirələmovun "Vicdanın hökmü” əsəri əsasında hazırlanan tamaşanın premyerası gözlənilir.Tamaşaya teatrın baş rejissoru, Əməkdar artist Firudin Məhərrəmov quruluş verib. Rolları Ulduzə Nəsir, Mətləb Səfərli, İlahə Səfərli, Habil Xanlarov və başqaları ifa edir.Firudin Məhərrəmovun quruluşda Nobel mükafatı laureatı A.Kamyunun "Kaliqula” əsəri əsasında tamaşa hazırlanacğı da planlaşdırılır. 
Bolqarıstandan dəvət edilmiş rejissor Xristo Stoyçev gələn ilin aprel-may aylarında teatrın səhnəsində V.Şekspirin "Otello” əsərinə quruluş verəcək. (salamnews.org)